BORDA PASIEGOA


Bigarren lauhilabete honetako hurrengo ariketa Kantabriar mendietako etxola zahar bat birmoldatzea izango da, Vega de Pas inguruetakoa.

Lehenengo pausoa, eraldatu nahi dudan txabola aukeratzea da. Nire gustuekin gehien bat datorrena aukeratuko dut. Horretarako, aspektu ezberdinetan oinarrituko naiz, hala nola, ateak non kokatuak dauden, nolako malda duen...etb.

Bigarren pausoa, lekuari buruzko historia pixka bat jakitea izango da, bertan egin beharreko erreforma ahal den gehiena bertako paisaiera integratu dadin.

Hau dena zehaztuta, proiektua lantzeari ekingo diogu.

Nik aukeratutako etxola

Eraikina, goikaldean ikusten duzuena, kanpoaldetik oso gutxi aldatu dut, fatxada txikiko atzeko horman leihate bat ipiniz. Gainerakoa, dagoen moduan mantendu dut, naturarekin daukan esentzia galdu ez dezan.

Hau esanda, barne distribuzioan zentratu naiz ia erabat, altzairuekin eta barne espazioekin jolastuz. Horretarako, Mies Van der Rohe arkitektoaren Farnsworth etxean inspiratu naiz, izan ere, altzairuekin bloke moduko batzuk egin nahi ditut, horrela paretak bere osotasunean libratuz, eskailerak eszepzio. Komuneko tabikeak aprobetxatu ditut beheko pisu guztia egituratzeko, eta erdiko bi habeak goikoa egituratzeko.

Eraikina hobeto uler dezazuen, marrazki batzuk utziko dizkizuet eta marrazkiekin batera burututako maketa.

Kanpoko axonometria

Barruko axonometria

Irudi horietan dena ongi ez ulertu ezkero, ea maketaren argazki hauekin lortzen duzuen

Proiektu finala

 ONDARRETAKO IZOZKITEGIA 




Kurtsoko bigarren zatia dagoeneko hasita dugu!! Hasieratik pilak jartzeko, Donostiko hirian izozkitegi bat eraikitzeko proposatu digute, zehazki, Ondarreta pasealekuan. Horregatik, lehenbailehen lanari ekin diogu.



Orain dala bi aste inguru hasi ginen gure proiektuaren ideiak hautematen eta lortzen. Epe horretan, hasierako planifikazioan egin genituen akatsak ikusi ditugu eta horiek nolabait birmoldatzen eta eraldatzen saiatu gara, proiektuaren amaierarantz abiatuz. Atzo, entrega finala eduki genuen.


 

Nire eraikina Mies Van der Rohe arkitekto famatuaren Farnsworth Etxean oinarrituta eta inspiratuta dago, izan ere, horixe erabili dut erreferentzi moduan. Eraikin hori aukeratzera eraman naituen detailea, bereziki, grabitatearekin egiten duen jolasa izan da, hainbat plataformen bidez lortutako maila ezberdinak.

Ideia hori nire eraikinean txertatzeko, izozkitegia hiru maila ezberdinetan banatu dut. Hasteko, paseotik hasita lehenengo nibelera izozkitegia dago, 35m2-koa eta 2m-ko altuerara. Horren azpitik, 1,4m-tara terraza handia dago, 20m2-koa. Azkenik, 0,80m-tara bigarren terraza dago, txikiena, zeinak 15m2 dituen.

                                     
Lehenengo nibeleko plataforman helatuak erosteko barra eta komunak aurkitzen dira, biak estalki batez tapatuak, euria egin ostean. Bi terrazak, aldiz, aire librean daude eta eskaileren bitartez igo edo jaitsi daiteke bertara. Lehenengoan mahaiak ipini ditut, norbaitek helatua jaten duen bitartean karteta edo jolastu nahi badu; eta bigarrenean, bi plazako butakak bakarrik, erosoago eseri nahi duenarentzat. Hiru plataformak, 1m-ko hesi batek inguratzen ditu, bertatik jauzi ahal ez izateko.

Maketa hobeto ulertzeko, beroren planoen argazki batzuk utziko dizkizuet, alderatu ahal izan dezazuen.

 - Zirriborroak:

- Oina:

- Altxaerak:

- Ebaketak, ideograma eta piktograma: 

 - Kokapen planoa:

Eta hau izan da guztia! Izozkitegia ulertu eta bukatuta izan ondoren, hurrengo asterako proiektua ezagutzeko prest nago!